<p>‘சிவாஜி’ திரைப்படத்தில் ரஜினிகாந்துடன் பணியாற்றிய அனுபவம் குறித்து நடிகை ஸ்ரேயா சரண் 'Pinkvilla' ஊடகத்திற்குப் பேட்டி அளித்திருக்கிறார். </p><p>அந்தப் பேட்டியில் பேசியிருக்கும் அவர், "ரஜினி சாரை நேரில் பார்த்தபோது பிரமிப்படைந்தேன். அவருடன் பணியாற்றுவது முதல் முறை என்பதால், பதற்றத்தில் உறைந்துவிடுவேனோ என்று பயந்தேன்.</p><figure><img alt="ரஜினி - ஸ்ரேயா சரண் " src="https://gumlet.vikatan.com/vikatan/2026-08-15/6g0oxcho/maalai-malar2026-08-13q0d4dqyjsaran.avif" /><figcaption>ரஜினி - ஸ்ரேயா சரண் </figcaption></figure><p>அதனால் என்னை அவருக்கு அறிமுகப்படுத்தி வைக்க ஷங்கர் சாரிடம் கேட்டுக் கொண்டேன். அதைக் கேட்டு அவர் சிரித்தார். ஷங்கர் சார், ‘ரஜினி சாரைச் சந்தியுங்கள்’ என்று சொன்னதைக் கேட்டதும் ஆச்சரியப்பட்டேன். </p><p>அந்த நேரத்தில் ‘வாஜி வாஜி’ பாடலுக்கான ஒத்திகையும் படப்பிடிப்பும் நடந்து கொண்டிருந்தது. படப்பிடிப்பின்போது, ரஜினி சார் என்னை இயல்பாக உணர வைத்தார்.</p><aside><a href="https://cinema.vikatan.com/kollywood/anirudh-about-lokesh-kanagaraj">'ஏன் நீங்க நடிக்க வரணும்னு தான் முதல்ல கேட்டேன்.!' - லோகேஷ் கனகராஜ் குறித்து அனிருத் </a></aside><p>என் நெருங்கிய நண்பரைப் போலவே என்னிடம் பழகினார். அந்தப் படத்தில் மிகவும் சுவாரஸ்யமான மனிதர்களுடன் பணியாற்றும் வாய்ப்பு கிடைத்தது என் அதிர்ஷ்டம். ரஜினி சார் மிக மிக எளிமையானவர். </p><figure><img alt="ரஜினி - ஸ்ரேயா சரண் " src="https://gumlet.vikatan.com/vikatan/2026-08-15/z9b9l8o3/951230758shriya-rajinikanth-webp202608.webp" /><figcaption>ரஜினி - ஸ்ரேயா சரண் </figcaption></figure><p>படப்பிடிப்புத் தளத்துக்கு வரும்போது, எல்லோரையும் சமமாகத்தான் நடத்துவார். அவருடன் அந்தப் படத்தில் பணியாற்றியது எனக்கு சிறந்த அனுபவமாக இருந்தது. </p><p>அவர் ஏற்கெனவே சூப்பர்ஸ்டார். ‘உன் வேலையை நேசி, தொடர்ந்து கற்றுக்கொண்டே இரு’ என்று அவர் எப்போதும் என்னிடம் சொல்வார்" என்று பகிர்ந்திருக்கிறார்.</p><aside><a href="https://cinema.vikatan.com/kollywood/kollywood-spider-cinema-news-august-02-2026">ஷூட்டிங், டப்பிங்கில் `பரபர’ ரஜினி... உண்மைக்கதையில் நடிக்கும் சூர்யா... சல்மான் கானுடன் நயன்தாரா!</a></aside><br>
<br>
from விகடன் <br>
Umn news <a
