Mistakes you need to avoid while using Google Pay Paytm PhonePe or other UPI apps SBI warns users
யுபிஐ தொடர்பான மோசடிகளில் மக்கள் சிக்கிக்கொள்ள கூடாது என்கிற பொதுநல எண்ணத்தின் கீழ் நாட்டின் மிகப்பெரிய வங்கியான ஸ்டேட் பாங்க் ஆஃப் இந்தியா , யுபிஐ ஆப்களை பயன்படுத்துபவர்களுக்கு யுபிஐ பாதுகாப்பு தொடர்பான சில அறிவுரைகளை மற்றும் எச்சரிக்கைகளை வழங்கி உள்ளது.
யுபிஐ பின்-ஐ எப்போது பயன்படுத்த வேண்டும் என்பதை மக்கள் புரிந்துகொள்ள வேண்டும். யுபிஐ பின் என்பது பணத்தை டிரான்ஸ்பர் செய்ய மட்டுமே தேவைப்படும், பணத்தை பெறுவதற்கு அல்ல.
அதாவது யுபிஐ பின் என்பது ஒடிபி (OTP) அல்ல. எனவே உங்கள் யுபிஐ பின்-ஐ எக்காரணத்தை கொண்டும் யாருடனும் பகிர வேண்டாம். மேலும் ஒடிபி உடன் உங்கள் யுபிஐ பின்-ஐ குழப்பிக் கொள்ள வேண்டாம்.
யுபிஐ மோசடிகள் வழியாக, தங்கள் வங்கிக் கணக்கில் பணத்தை இழந்த பலரும் செய்த பொதுவான தவறு இதுவாகும்.
நன்றாக மனதில் பதிய வைத்துக்கொள்ளவும், க்யூஆர் கோட் ஸ்கேனர் (QR Code Scanner) பண பரிமாற்றத்திற்கு மட்டுமே பயன்படுத்தப்பட வேண்டும்.
அதில் உங்களுக்கு சந்தேகம் எழும் பட்சத்தில், எந்த காரணங்களுக்காவும் எந்தவொரு ஒரு க்யூஆர் கோட் ஸ்கேனரையும் ஸ்கேன் செய்ய வேண்டாம்.
புகார் எண் அல்லது Consumer redressal number போன்றவைகளை கூகுளில் அணுக கிடைக்கும் ஏதோவொரு இணையதளத்தில் நீங்கள் தேடவில்லை என்பதை உறுதி செய்து கொள்ளவும். எப்போதுமே அதிகாரப்பூர்வ ஆதாரங்களை தவிர வேறு எந்த Source-களிலிருந்தும் புகார் எண்களை தேட வேண்டாம்.
போலியான வலைத்தளத்தில் இருந்து கிடைக்கும் போலியான எண்ணிற்கு அழைப்பு விடுத்தது, புதியதொரு மோசடியில் சிக்கிக்கொள்ள வேண்டாம்.
ஒருவேளை உங்களுக்கு பணம் செலுத்துவதில் அல்லது பெறுவதில் சிக்கல் ஏற்பட்டால் அல்லது ஏதேனும் தொழில்நுட்ப கோளாறு நடந்தால், குறிப்பிட்ட ஆப்பின் ஹெல்ப் செக்ஷனை (Help section) அணுகவும்.
Umn news Tamil
