Vishwanath & Sons Review: காதலில் வயது வித்தியாச சிக்கல் - முதிர்ச்சியான உரையாடலாகிறதா படம்?

<p>பெரும் தொழிலதிபரும், துப்பாக்கிச் சுடுதலில் ஒலிம்பிக் தங்கப்பதக்கம் வென்றவருமான சஞ்சய் விஸ்வநாத் (சூர்யா), தன் அம்மா நிர்மலாவுடன் (ராதிகா) வாழ்கிறார். 40 வயதைத் தாண்டிய சஞ்சய்யைத் திருமணம் செய்துகொள்ளும் படி நிர்மலா வற்புறுத்துகிறார். </p><p>சிறுவயதில் தனக்கு நடந்த துயர் சம்பவத்தால் திருமணம் செய்துகொள்ள மறுக்கிறார் சஞ்சய். இந்நிலையில், நிர்மலாவுக்குத் தெரியாமல், வெளிநாட்டில் மருத்துவம் படிக்கும் மேடி (மமிதா பைஜூ) மூலமாக வாடகைத் தாய் முறையில் குழந்தை பெற்றுக்கொள்கிறார் சஞ்சய். </p><p>அதற்கு பிறகு நடக்கும் சம்பவங்களும், கல்யாணத்திற்கு சஞ்சய் மறுக்க என்ன காரணம் என்பதுமே வெங்கட் அட்லூரி இயக்கியிருக்கும் 'விஸ்வநாத் அண்ட் சன்ஸ்' திரைப்படத்தின் கதை.</p><figure><img alt="Vishwanath &amp; Sons Review | விஸ்வநாத் அண்ட் சன்ஸ் விமர்சனம்" src="https://gumlet.vikatan.com/vikatan/2026-08-14/fjet5yys/6a6a0de6982b6.jpg" /><figcaption>Vishwanath & Sons Review | விஸ்வநாத் அண்ட் சன்ஸ் விமர்சனம்</figcaption></figure><p>பக்காவான ஆக்ஷன், அலட்டல் இல்லாத ஹியூமர், நேர்த்தியான எமோஷன் என விஸ்வநாத் கதாபாத்திரத்தில் ஸ்டைலிஷ் லுக், க்ளாஸ் மேனரிஸத்தால் படத்தைத் தாங்குகிறார் சூர்யா. </p><p>வழக்கமான சுட்டித்தனம், குறும்பு, நடனம் எனத் தன் 'மமிதாயிஸத்தால்' முதல்பாதிக்கு வண்ணம் பூசி, முழுப்படத்தையும் கலகலப்பூட்டி கவர்கிறார் மமிதா பைஜூ.&nbsp;</p><p>எமோஷன், கலாட்டா என இரண்டு மீட்டரையும் தன் அனுபவத்தால் எகிற வைத்திருக்கிறார் ராதிகா. ரவீனா டாண்டன், சுனில், ராஜீவ் மேனன், நாசர் ஆகியோர் கவனிக்க வைக்க, காளி வெங்கட், பவானி ஸ்ரீ, ஜார்ஜ் மரியன் போன்றோர் கவனிப்பதற்குள் கலைந்து போகிறார்கள்.&nbsp;</p><p>பிரமாண்டம், கலர்ஃபுல், ஸ்டைலிஷ் என விரியும் படத்தின் உலகத்தைக் கச்சிதமாகக் கொண்டுவந்து ரசிக்க வைக்கிறார் ஒளிப்பதிவாளர் நிமிஷ் ரவி. குறி தவறியோடும் இரண்டாம் பாதியை இழுத்துப்பிடிக்கத் தவறுகிறார் படத்தொகுப்பாளர் நவின் நூலி. </p><figure><img alt="Vishwanath &amp; Sons Review | விஸ்வநாத் அண்ட் சன்ஸ் விமர்சனம்" src="https://gumlet.vikatan.com/vikatan/2026-08-14/1z4g9yot/6a6a0dd2d364d.jpg" /><figcaption>Vishwanath & Sons Review | விஸ்வநாத் அண்ட் சன்ஸ் விமர்சனம்</figcaption></figure><p>ஜி.வி. பிரகாஷ் குமார் இசையில், சுப்லாக்ஷினி குரலில் 'பட்டாம்பூச்சிய...' பாடல் மனதில் ரிங்காரமிடுகிறது. மெல்லுணர்வுத் தருணங்களை நெருக்கமாக்கியிருக்கிறது ஜி.வி. பிரகாஷ் குமாரின் ஆர்ப்பாட்டமில்லாத பின்னணி இசை.&nbsp;</p><aside><a href="https://cinema.vikatan.com/kollywood/real-life-incident-from-suriyas-life-venky-atluri-recreates-it-in-viswanath-sons">சூர்யா வாழ்க்கையில் நடந்த சம்பவம்... 'விஸ்வநாத் & சன்ஸ்' படத்தில் ரீ-கிரியேட் செய்த வெங்கி அட்லுரி!</a></aside><p>ஒலிம்பிக் பதக்கம், விஸ்வநாத் குடும்பம், அவரின் குணம் என நிதானமாகவும், ஏற்ற இறக்கமில்லாமலும் தொடங்கும் திரைக்கதை, மமிதா பைஜூவின் வருகைக்குப் பிறகு காமெடி, கலாட்டா, சேட்டை எனக் கலகல ரங்கோலியாக மாறுகிறது. மமிதா பைஜூ-ராதிகா காம்போ காமெடியோடு, ஆங்காங்கே எமோஷன் ஏரியாவையும் கவனித்துக்கொள்கிறது. </p><p>திரையோட்டத்தில் தேவையில்லாமல் தலைக்காட்டும் ஆக்ஷன் காட்சிகளும், கதைக்குச் சம்பந்தமில்லாத சென்டிமென்ட் காட்சிகளும் ஆங்காங்கே தடைபோட்டாலும், மையக்கதையிலுள்ள கலாட்டா பார்வையாளர்களைத் தக்க வைக்கிறது. டெம்ப்ளேட்டான அப்பாவி/ஸ்ட்ரிக்ட் கதாநாயகன் என்ற பிம்பத்தை உடைக்கும் சில காமெடி காட்சிகள் கலகலப்பிற்கு பெட்ரோல் ஊற்றுகின்றன.</p><figure><img alt="Vishwanath &amp; Sons Review | விஸ்வநாத் அண்ட் சன்ஸ் விமர்சனம்" src="https://gumlet.vikatan.com/vikatan/2026-07-29/53m4znzd/6a6a0dcaf01c7.jpg" /><figcaption>Vishwanath & Sons Review | விஸ்வநாத் அண்ட் சன்ஸ் விமர்சனம்</figcaption></figure><p>முதல்பாதியில் மையக்கதையில் ஓடிய திரைக்கதை இரண்டாம் பாதியில் எங்கெங்கோ ஓடுகிறது. தொடக்கத்தில் முதல்பாதியின் கலகலப்பை திரைக்கதை தக்க வைத்தாலும், முறையான சட்டங்களும், நடைமுறைகளும் இல்லாமல் சுரண்டலால் பாதிக்கப்படும் வாடகைத் தாய் விவகாரத்தை விளையாட்டாகவும், காமெடியாகவும் கையாள்வது அபத்தம்.&nbsp;</p><aside><a href="https://cinema.vikatan.com/kollywood/pari-elavazhagan-ramya-ranganathan-anbe-diana-tamil-movie-review">அன்பே டயானா விமர்சனம்: சாதியத்தை உடைக்கும் அன்பான அடாவடி காதல்; காமெடி கைகொடுக்கிறதா?</a></aside><p>மேலும், 'கல்யாணக் கலாட்டா' என்ற தெலுங்கு சினிமா செட்டிற்குள் நுழையும் திரைக்கதை, மையக்கதையை மொத்தமாகவே மறந்துவிடுகிறது. நாசர், மமிதா பைஜூ, சூர்யாவின் காமெடி கலாட்டாக்கள் மட்டும் ஓரளவிற்குச் சுவாரஸ்யத்தைத் தக்க வைக்கின்றன. </p><p>அங்கிருந்து நேராக க்ளைமாக்ஸுக்குத் தாவும் திரைக்கதை, வெறுமனே காதல், ரொமான்ஸ் என மேம்போக்காக மையக்கதையை அணுகாமல், காதலில் வயது ஏற்படுத்தும் தாக்கத்தையும் பேசியதற்குப் பாராட்டுகள்! ஆனால், அதற்கு பிறகு தெளிவாக ஒரு தீர்வை நோக்கி நகராமல், சுற்றிவளைத்து முடிகிறது படம்.</p><figure><img alt="Vishwanath &amp; Sons Review | விஸ்வநாத் அண்ட் சன்ஸ் விமர்சனம்" src="https://gumlet.vikatan.com/vikatan/2026-07-29/6d9o75fa/6a6a0da94961c.jpg" /><figcaption>Vishwanath & Sons Review | விஸ்வநாத் அண்ட் சன்ஸ் விமர்சனம்</figcaption></figure><p><strong>முதல்பாதியில் சரியான குறியில் பாய்ந்து தங்கப்பதக்கத்தை வெல்லும் படம், இரண்டாம் பாதியில் ஏகத்திற்கும் குறி தவறி வெள்ளிப் பதக்கத்தையே வெல்கிறது.</strong></p><aside><a href="https://cinema.vikatan.com/kollywood/karthi-praises-vishwanath-and-sons-movie">விஸ்வநாத் & சன்ஸ்: `சூர்யாவின் நடிப்பு Wow; மீண்டும் பார்க்க என்னை தூண்டுகிறது'- கார்த்தி பாராட்டு </a></aside><br> <br> from Movie Review | திரை விமர்சனம் <br> Umn news <a